काठमाडौं— अर्थमन्त्री वर्षमान पुनले आफ्नो सम्पत्ति विवरण सार्वजनिक गरेका छन्। 

जसअनुसार उनको एनएमबी बैंकको खातामा ३३ लाख, ७० हजार ६ सय १८ रुपैयाँ रहेको छ। 

मंगलबार सार्वजनिक सम्पत्ति विवरणमा सो कुरा उल्लेख गरिएको हो। उक्त रकम तलब भत्ता र भ्रमण भत्ता वापत प्राप्त भएको उल्लेख गरेका छन्। 

त्यस्तै रोल्पा नगरपालिका–७ मा पैतृक सम्पत्तिबाट प्राप्त ८२० वर्गमिटर जग्गा रहेको उल्लेख गरिएको छ भने सुनचाँदी नभएको देखाइएको छ। 

त्यस्तै पार्टीबाट प्राप्त भएको बा ००१ अ०००९ नम्बरको हलुका सवारी (गाडी) रहेको छ।  

त्यस्तै उनीसँग कुनै पनि कम्पनीको शेयर नरहेको विवरणमा उल्लेख गरिएको छ।