काठमाडौं— भारतको छत्तीसगढको कबीरधाम जिल्लामा पिकअप गाडी दुर्घटना हुँदा १८ मजदुरको मृत्यु भएको छ।

 चार मजदुर घाइते छन्। उनीहरूको अवस्था चिन्ताजनक रहेको भारतीय मिडियाहरूले उल्लेख गरेका छन्।

कबीरधाम जिल्लाका दुई दर्जनभन्दा बढी मजदुरहरू लिएर हिँडेको पिकअप गाडी अनियन्त्रित भई खाल्डोमा खसेर दुर्घटना भएको प्रहरीले जनाएको छ। 

दुर्घटनामा १५ जनाको घटनास्थलमै र तीन जनाको अस्पतालमा मृत्यु भएको हो।