काठमाडौं— इन्डियन प्रिमियर लिग (आईपीएल)मा रोयल च्यालेन्जर्स बेंग्लुरु (आरसीबी) प्लेअफमा पुग्न सफल भएको छ।
शनिबार राति चेन्नई सुपर किंग्सलाई २७ रनले पराजित गर्दै बेंग्लुरुले प्लेअफमा स्थान बनाएको हो । सुरुआती खेल जितेपछि लगातार खराब प्रदर्शन गरेको बेंग्लुरुले पछिल्ला छ खेल जित्दै रन रेटमा पनि सुधार गरेपछि प्लेअफमा पुग्ने चौथो टोली बनेको हो ।
पहिला ब्याटिङ गरेको बेंग्लुरुले निर्धारित ओभरमा ८ विकेट गुमाएर २१८ रन बनाएको थियो। जवाफमा चेन्नईले निर्धारित ओभरमा ७ विकेट गुमाएर १९१ रनमात्रै बनाउन सक्यो । चेन्नई पनि १४ अंकका साथ प्लेअफको दौडमा रहेकाले पराजित भएपनि निर्धारित ओभरमा २०१ रन बनाउनु पर्ने थियो ।
उता बेंग्लोरलाई १८ भन्दा माथिको रनमा जित निकाल्दा प्लेअफ पुग्ने समीकरण भएकाले खेल एकदमै रोमाञ्चक बन्यो। अन्ततः बेंग्लुरुले वाजी मार्दै डिफेन्डिङ च्याम्पियन चेन्नईलाई आईपीएलबाट समूह चरणमै रोक्न सफल भयो ।
शनिबार रातिको खेलमा बेंग्लुरुले टस हारेर पहिला ब्याटिङ गरे पनि सुरुआत उत्कृष्ट गरेको थियो । ओपनरद्वय विराट कोहली र फाफ डु प्लेसिसले पहिलो विकेटका लागि ७८ रनको साझेदारी गर्दै टिमलाई अघि बढाए ।
कोहली २९ बलमा ४७ रन बनाएर आउट भएका थिए । उनले चार छक्का र तीन चौका प्रहार गरे । प्लेसिस र रजत पटिदार मिलेर पारि अघि बढाएका थिए । टिमको स्कोर ११३ रन भएका बेला प्लेसिस अर्धशतकीय पारि खेल्दै रनआउट भए । उनले ३९ बलमा ५४ रनको पारि खेदा समान तीन चौका र छक्का हिर्काए ।
पटिदारलाई साथ दिन क्यामरन ग्रीन आए । यी दुई खेलाडीले १७.४ ओभरमा टिमको स्कोर १८४ रन बनाएका थिए । पटिदार २३ बलमा चार छक्का र दुई चौकाको मद्दतले ४१ रनको पारि खेल्दै पेभेलियन फिर्ता भए ।
दिनेश कार्तिकले ६ बलमा १४ रन बनाएर आउट हुँदा समान एक छक्का र चौका प्रहार गरे । ग्लेन म्याक्सवेले ५ बलमा १६ रन बनाउँदा क्यामरुन ग्रीनले १७ बलमा ३८ रनको नटआउट पारि खेल्दा बेंग्लुरुको स्कोर निर्धारित ओभरमा ५ विकेट गुमाएर २१८ रन बनाएको थियो । चेन्नाईका सार्दुल ठाकुरले २ विकेट लिँदा तुषार देशपान्डे र मिचेल साटनरले एक एक विकेट लिए ।
२१९ रनको लक्ष्यसहित मैदान उत्रिएको चेन्नईको सुरुआत खराब रह्यो । कप्तान ऋतुराज गायकवाड गोल्डेन डकआउट भए । पहिलो बलमै कप्तानलाई गुमाएको चेन्नईले दोस्रो विकेटको रुपमा डेरियल मिचेललाई गुमाए । उनी ४ रन बनाएर पभेलियन फर्किए । रचिन र विन्द्र र अजिंक्या रहाणेनले पारि सम्हालेका थिए ।
९.१ ओभरमा ८५ रन भएका बेला अजिन्क्या रहाणे २२ बलमा ३३ रन बनाएर आउट भए । उनले एक छक्का र तीन चौका प्रहार गरेका थिए । चौथो विकेटको रुपमा रचिन रविन्द्र आउट भएका थिए । उनले ३७ बलमा ६१ रनको पारि खेलेका थिए । तीन छक्का र पाँच चौका प्रहार गरेका उनी रनआउटको शिकार भएपछि चेन्नइलाई दबाब बढेको थियो ।
शिवम् दुवेले १५ बल फेस गर्दा ७ रनको ढिलो पारि खेलेर आउट भएका थिए । मिचेल साटनरले ३ रनमात्रै जोडे । रविन्द्र जडेजा र महेन्द्रसिंह धोनीले केही प्रयास गरे पनि टिमलाई पार लगाउन सकेनन् । धोनी १३ बलमा २५ रन बनाउँदै आउट भए । उनी आउट हुँदा चेन्नईले १९.२ ओभरमा १९० रन बनाएको थियो । रविन्द्र जडेजाले २२ बलमा ४२ रनको नटआउट पारि खेल्दा समान तीन छक्का र तीन चौका प्रहार गरे । रन रेटमा अघि रहँदै प्लेअफ खेल्नका लागि अन्तिम चार बलमा १० रन बनाउन नसक्दा प्रतियोगिताबाट बाहिर चेन्नई पुग्यो।
बेंग्लुरुका यस दयालले २ विकेट लिँदा ग्लेन म्याक्सवेल, मोहमद सिराज, लोकी फर्गुसन र क्यामरन ग्रीनले एक/एक विकेट लिए।
