काठमाडौं— कोशी प्रदेशमा नयाँ सरकार गठनका लागि गरिएको आह्वानविरुद्ध रिट निवेदन बोकेर मुख्यमन्त्री केदार कार्की सर्वोच्च अदालत पुगेका छन्। 

बुधबार प्रदेश प्रमुख परशुराम खापुङ्गले नयाँ सरकार गठनका लागि आह्वान गरेका थिए।

संविधानको धारा १६८ को उपधारा ५ बमोजिम गरिएको नयाँ सरकार गठनको आह्वान अनुसार एमालेका हिक्मतकुमार कार्कीले दाबी पेस समेत गरिसकेका छन्। 

यता मुख्यमन्त्री कार्कीले आफू बहाल रहँदारहँदै अर्को सरकार गठन गर्न लागिएको भन्दै त्यसको विरुद्ध रिट दायर गर्न लागेका हुन्।

उनले कोशी प्रदेशका प्रदेश प्रमुखले गरेको नयाँ सरकार गठनको आह्वान खारेजीको माग गर्दै रिट दायर गर्न लागेका हुन्।