सुनसरीबाट सशस्त्रले बरामद गर्यो एक क्विन्टल गाँजा
सुनसरी— सशस्त्र प्रहरीले सुनसरीबाट १ क्विन्टल गाँजा बरामद गरेको छ।
सशस्त्र प्रहरी बल नेपाल नं. ४ गण सुनसरी मातहत प्रस्तावित सीमा सुरक्षा गुल्म कप्तानगञ्ज, बोर्डर आउट पोस्ट साहेबगन्ज र हर्बेनिको संयुक्त टोलीले मंगलबार राति बर्जू गाउँपालिका–४ स्थित हसनपुर बाट उखुको सुकेको पातले छोपी लुकाई छिपाई बेवारिसे अवस्थामा राखेको ३ बोरा गाँजा बरामद गरेको हो।
सो ठाउँमा गाँजा लुकाई छिपाई तस्करी गर्न राखिएको भन्ने सूचनाको आधारमा खोजतलास गर्दा ३ वटा बोराभित्र ससाना प्याकेट बनाई राखिएको गाँजा फेला परेको थियो।
थप अनुसन्धान भइरहेको छ।
प्रकाशित मिति: बुधबार, वैशाख २६, २०८१ १९:२५