चट्याङ लागेर अछाममा ६ वर्षीय बालकको मृत्यु
अछाम— अछाममा चट्याङ लागेर एक बालकको मृत्यु भएको छ।
गएराति हावाहुरीसँगै परेको चट्याङले लाग्दा रामारोशन गाउँपालिका—७ सुतार निवासी कमल भण्डारीका ६ वर्षीय छोरा गौरवको मृत्यु भएको जिल्ला प्रहरी कार्यालय अछामले जनाएको छ।
घरभित्रै बसेको बेला चट्याङले लाग्दा बालकको घटनास्थलमै मृत्यु भएको हो।
चट्याङ लाग्दा रामारोशन— ७ कै नयाँ राम भण्डारीको एक भैँसी पनि मरेको छ।
प्रकाशित मिति: मंगलबार, वैशाख २५, २०८१ ०९:४७