कीर्तिपुरमा बस दुर्घटना, १ जनाको मृत्यु, ३ घाइते
काठमाडौं— कीर्तिपुरमा बस दुर्घटना हुँदा एक जनाको मृत्यु भएको छ भने ३ जना घाइते भएका छन्।
आइतबार दिउँसो कीर्तिपुरको आयुर्वेदिक अस्पताल नजिकै बस दुर्घटना भएको काठमाडौं उपत्यका प्रहरी कार्यालय, रानीपोखरीका प्रवक्ता एसएसपी दिनेशराज मैनालीले न्यूजगृहलाई जानकारी दिए।
उनका अनुसार बसमा सवारमध्ये १ जनाको मृत्यु भएको र अन्य तीन जना घाइते भएका हुन्।
‘कीर्तिपुर रत्नपार्क रुटमा चल्ने बस दुर्घटना हुँदा १ जनाको मृत्यु भएको छ भने ३ जना घाइते भएका छन्,’ उनले भने।
त्यस्तै घाइतेहरुको अहिले कीर्तिपुर अस्पतालमा उपचार भइरहेको उनले बताए।
बस के कारणले दुर्घटना भएको र कति जना रहेका थिए भन्ने अनुसन्धान भइरहेको उनले बताए।
प्रकाशित मिति: आइतबार, वैशाख २३, २०८१ १६:१७
ट्रेन्डिङ समाचार
