कालिञ्चोक भगवती दर्शन गर्न गएका वृद्धको मृत्यु
दोलखा— कालिञ्चोक भगवती दर्शन गर्न गएका एक वृद्धको मृत्यु भएको छ।
मृत्यु हुनेमा भीमेश्वर नगरपालिका-२ तिखातलका ६५ वर्षीय गोलान्दर बिक छन्।
शनिबार दिउँसो ३ हजार ८ सय ४१ मिटर उचाइमा रहेको मन्दिर परिसर पुगेपछि उनी बेहोस भएका थिए।
उनको उच्च भेगमा श्वासप्रश्वासका कारण मृत्यु भएको हुन सक्ने प्रहरीले जनाएको छ।
प्रकाशित मिति: शनिबार, वैशाख २२, २०८१ १८:२३