इलाम— प्रतिनिधि सभा अन्तर्गत इलाम २ मा भएको उपनिर्वाचनमा नेकपा एमालेले अग्रता बढाउँदै लगेको छ। 

२१ हजार ८१० मत गन्दा एमाले उम्मेदवार सुहाङ नेम्वाङले २ हजार ६१८ को मतान्तर बनाएका हुन्।

सुहाङले ८ हजार ८९८ मत ल्याउँदा उनका निकटतम प्रतिद्वन्द्वी डम्बरबहादुर खड्काले ६ हजार २८० मत ल्याएका छन्।

त्यस्तै, स्वतन्त्र उम्मेदवार डकेन्द्रसिंह लिम्बूले ४ हजार ६३४ मत ल्याउँदा रास्वपा उम्मेदवार मिलन लिम्बू १ हजार ३०५ मत सहित चौथो स्थानमा सीमित छन्।