काठमाडौं— विशेष अदालतले सम्पत्ति शुद्धिकरण कसुरमा लम्बोदर न्यौपानेलाई ३ वर्ष कैद सजाय सुनाएको छ। 

इन्जिनियरिङ कलेज सञ्चालकसमेत रहेका न्यौपानेलाई २५ करोड जरिवाना हुने फैसला अदालतले सुनाएको हो।

विशेष अदालतका अध्यक्ष न्यायाधीश टेकनारायण कुँवर र सदस्य न्यायाधीश रामबहादुर थापाको इजलासले आइतबार न्यौपानेलाई सम्पत्ति शुद्धिकरण कसुरमा दोषी ठहर गरेको हो। 

न्यौपाने भक्तपुरस्थित नेपाल इन्जिनियरिङ कलेजका पूर्वअध्यक्षसमेत हुन्।