बसको ठक्करबाट तीर्थयात्रीको मृत्यु
भरतपुर— पूर्वी चितवनको राप्ती नगरपालिकामा बसको ठक्करबाट एक जना तीर्थयात्रीको मृत्यु भएको छ।
राप्ती–२ गड्यौलीस्थित पूर्वपश्चिम राजमार्गमा सुनसरीको चतराधामबाट फर्किएकी राप्ती नगरपालिका–२ गड्यौली बस्ने ६० वर्षीया निमाकुमारी रिजालको आफूले यात्रा गरेको बसको ठक्करबाट मृत्यु भएको हो।
ओर्लने क्रममा बसले ठक्कर दिएको प्रहरीले जनाएको छ।
बसको ठक्करबाट गम्भीर घाइते भएकी उनको पुरानो मेडिकल कलेजमा उपचारको क्रममा मृत्यु भएको चितवन जिल्ला प्रहरी कार्यालयका प्रवक्ता श्रीराम भण्डारीले बताए।
ठक्कर दिने बसका चालक मकवानपुर हेटौँडा उपमहानगरपालिका–१८ बस्ने वर्ष ४१ का कृष्ण सापकोटालाई प्रहरीले नियन्त्रणमा लिएको छ।
प्रकाशित मिति: बिहीबार, वैशाख १३, २०८१ ११:०२