काठमाडौं— लुम्बिनी प्रदेश सभाका नवनियुक्त मन्त्रीहरूले पद तथा गोपनियताको शपथग्रहण गरेका छन्।

लुम्बिनीका प्रदेश प्रमुख अमिक शेरचन समक्ष नवनियुक्त मन्त्रीहरुले शपथ लिएका हुन्।  

लुम्बिनीका मुख्यमन्त्री जोखबहादुर महराले आज ७ जनालाई बिना विभागीय मन्त्रीमा नियुक्त गरेका थिए। 

मुख्यमन्त्री महराले एमालेबाट दिनेश पन्थी,अर्जुनबहादुर केसी, भूमिश्वर ढकाल र रत्नबहादुर खत्री, नागरिक उन्मुक्तिबाट धर्मबहादुर चौधरी,स्वतन्त्र सांसद खड्गबहादुर बस्नेत र एकीकृत समाजवादी पार्टीबाट भगवती अधिकारीलाई मन्त्री नियुक्त गरेका थिए।

यसअघि ४ सदस्यीय मन्त्रिमण्डल रहेकोमा आजबाट ११ सदस्यीय मन्त्रिमण्डल बनेको छ।