News Griha :: न्यूजगृह
इजरायल-हमास युद्धको प्रभाव गुगल अफिसमा, किन भइरहेको छ प्रदर्शन?  

काठमाडौं— इजरायल र हमासबीचको युद्धको प्रभाव गुगल अफिसमा पनि देखिएको छ। गुगलका कर्मचारीहरूले क्यालिफोर्निया र न्यूयोर्कस्थित आफ्नो कार्यालय परिसरमा ब्यानरसहित विरोध प्रदर्शन गरेका छन्।

उनीहरूले गुगलले इजरायली सरकारसँग काम गर्न नहुने माग राखेका छन्। गुगल क्लाउडका प्रमुख कार्यकारी अधिकृतको कार्यालयमा करिब आठ घण्टासम्म विरोध प्रदर्शन भएको थियो। प्रहरीले केही प्रदर्शनकारीलाई पक्राउ गरेको थियो। प्रदर्शनको भिडिओ सामाजिक सञ्जालमा पनि शेअर भइरहेको छ।

मिडिया रिपोर्टका अनुसार सम्पूर्ण विरोधको मुख्य कारण प्रोजेक्ट निम्बस हो। जुन २०२१ मा गुगल र इजरायल सरकारबीच हस्ताक्षर भएको थियो। एआई ठेक्का परियोजनाको लागत एक अर्ब डलर छ। मंगलबार गुगल क्लाउडका सीईओ थोमस कुरियनको कार्यालयलाई कर्मचारीको एक समूहले घेरा हालेका थिए। उनीहरूले लगातार आठ घण्टासम्म प्रदर्शन गरे।

प्रदर्शनकारीहरूले आफ्नो प्रस्तुतिको प्रत्यक्ष प्रसारण पनि गरेका थिए। प्रदर्शनकारीहरूले गुगलले इजरायल र इजरायली सेनासँगको सबै सम्बन्ध तोड्न माग गरेका छन्।

प्रदर्शनकारीहरूले प्रोजेक्ट निम्बस र इजरायली सरकारको समर्थनको आलोचना गरेका छन्। कम्पनीमा सफ्टवेयर इन्जिनियरका रुपमा कार्यरत कैयौँ कर्मचारीहरूले प्रोजेक्ट निम्बसका कारण राजीनामा दिएको समेत बताइएको छ।

Nepali-Patro-innerNepali-Patro-inner
प्रकाशित मिति: बुधबार, वैशाख ५, २०८१  २०:३५
Prabhu BankPrabhu Bank
Weather Update