मानव बेचबिखनको आरोपमा गाउँपालिका अध्यक्ष पक्राउ
काठमाडौं— मानव बेचबिखनको आरोपमा गाउँपालिकाका अध्यक्ष पक्राउ परेका छन्। पक्राउ पर्नेमा रसुवाको नौकुण्ड गाउँपालिका-१ का ५२ वर्षीय नुर्वु घले भन्ने नुर्बु स्याङबो घले रहेका छन्।
उनलाई मानव बेचविखन ब्युरोको टोलीले बुधबार बबरमहलबाट पक्राउ गरेको हो। पक्राउ परेका उनीमाथि काठमाडौं जिल्ला अदालतबाट ५ दिनको म्याद थप गरी अनुसन्धान भइरहेको प्रहरी प्रवक्ता एसपी ज्ञानेन्द्र प्रसाद फुयालले बताए।
एसपी फुयालका अनुसार आर्थिक अवस्था कमजोर भएकी पीडितलाई कुवेतमा मासिक २८ हजार तलब दिने काममा लगाइ दिने भन्दै मिलेमतोमा भारतको नयाँदिल्लीमा पुर्याएको र उक्त स्थानबाट भिजिट भिसामा श्रीलङ्काको कोलम्बोमा पुर्याइ स्थानीय एजेन्टलाई जिम्मा लगाएको खुल्न आएको छ।
घटनामा संलग्न अन्य अभियुक्तहरूको खोजीकार्य भइरहेको प्रहरीले जनाएको छ।
प्रकाशित मिति: बिहीबार, चैत २९, २०८० ०७:४५
थप समाचार
