उम्मेदवारी दर्ता सुरु
इलाम २ मा स्वतन्त्रसहित ३ जनाको मनोनयन
काठमाडौं — प्रतिनिधि सभा उपनिर्वाचनमा जनमत पार्टीले मुख्य निर्वाचन अधिकृतको कार्यालय इलाममा पहिलो क्रममा मनोनयन दर्ता गरेको छ।
जनमत पार्टीका उम्मेदवार प्रेमकुमार थाम्सुहाङ (प्रेमदिप)ले सुरुमै मनोनयन दर्ता गराएका हुन् ।
मनोनयन अघि चर्चामा नै नआएको नेपाल मजदुर किसान पार्टी (नेमकिपा)ले दोस्रो क्रममा मनोनयन दर्ता गरेको छ।
नेमकिपाबाट मोरङका श्यामबहादुर दर्जीले उम्मेदवार दर्ता गराएका हुन्। जनमत पार्टी र नेमकिपाले इलाम–२ मा अघिल्लो प्रतिनिधि सभा निर्वाचनमा उम्मेदवारी दिएका थिएनन् ।
तेस्रोमा डाकप्रसाद गौतमले मनोनयन दर्ता गराएका छन् । गौतमले यसपटक भने स्वतन्त्र उम्मेदवारी दिएका छन्।
अघिल्लो प्रतिनिधि सभा निर्वाचनमा गौतम नेपाली कांग्रेस बीपी बाट इलाम–२ मा उम्मेदवारी दिएका थिए। उनले ५४ मत प्राप्त गरेका थिए।
प्रकाशित मिति: शनिबार, चैत २४, २०८० १३:१३
