जबर्जस्ती करणी मुद्दामा थुनामा रहेका आरोपितको मृत्यु
बाँके— नेपालगञ्ज कारागारका एकजना वृद्ध थुनुवा (कैदी)को मृत्यु भएको छ।
नेपालगञ्ज उपमहानगरपालिका–८ का ६६ वर्षीय अब्दुलवारी जोलाहको हृदयघातका कारण मृत्यु भएको कारागारका प्रमुख जेलर अर्जनजङ्ग शाहले बताए।
उनका अनुसार बुधबार बिहान करिब ४ बजेतिर मृतक जोलाहको एक्कासि छाती दुखेपछि उपचारका लागि तत्काल भेरी अस्पतालमा पुर्याएलगत्तै चिकित्सकले मृत घोषणा गरेका हुन्।
मृतक जोलाह तीन महिनाअघि जबर्जस्ती करणी मुद्दामा जिल्ला अदालतद्वारा पूर्पक्षका लागि कारागारमा थिए।
गत पुस १७ गते मृतक जोलाह पूर्पक्षका लागि कारागार चलान भएका हुन्।
प्रकाशित मिति: बुधबार, चैत २१, २०८० १७:३०
थप समाचार
