काठमाडौं— जारी इन्डियन प्रिमियर लिग (आईपीएल)को गएराति सम्पन्न खेलमा राजस्थान रोयल्सले सानदान जित हासिल गरेको छ। राजस्थानलाई १२६ रनको सामान्य लक्ष्य दिएको मुम्बई इन्डियन्स ६ विकेटले पराजित भयो।
राजस्थानका बलरसामू टिक्न नसक्दा मुम्बईले तेस्रो खेलमा पनि खाता खोल्न सकेन। वानखडे स्टेडियममा टस हारेर पहिला ब्याटिङको निम्तो पाएको मुम्बईले पूरै २० ओभर खेल्दा ९ विकेट गुमाएर १२५ रन मात्र बनाएको थियो।
मुम्बईका लागि कप्तान हार्दिक पाण्डेले सर्वाधिक ३४ रन बनाए। २१ बल खेलेका उनले ६ चौका प्रहार गरे। तिलक बर्मा ३२, टिम डेविड १७ र इशान किशानले १६ रन बनाउँदा जसप्रीत बुमराह ८ र आकाश मधवाल ४ रनमा अविजत रहे।
उसका लागि रविचन्द्रन आश्विन १६, जोस बटलर १३, कप्तान सञ्जु सैमसन १२, यशस्वी जैसवाल १० रनमा आउट हुँदा शुभम दुबे ८ रनमा नटआउट रहे।
