काठमाडौं— राष्ट्रिय प्रजातन्त्र पार्टी (राप्रपा)ले इलाम २ मा हुने उपनिर्वाचनका लागि उम्मेदवार टुंगो लगाएको छ। 

आज पार्टी मुख्यालय धुम्बाराहीमा भएको संसदीय बोर्डको बैठकले राप्रपाका नेता लक्ष्मी गुरुङलाई इलाम २ को उपनिर्वाचनमा उम्मेदवार बनाउने निर्णय गरेको हो। 

पार्टी प्रवक्ता मोहन श्रेष्ठले न्यूजगृहसँग भने, ‘आजको संसदीय बोर्डको बैठकले पार्टीको उम्मेदवार टुंग्याएको छ। इलाम २ बाट राप्रपाले लक्ष्मी गुरुङलाई उठाउने निर्णय गर्यो। अब राप्रपा चुनावी अभियानका क्रममा परिचालन हुनेछ।’

गुरुङ राप्रपाको शिक्षा विभागमा रहेर काम गर्दै आएका छन्।