काठमाडौं— इन्डियन प्रिमियर लिग (आईपीएल)अन्तर्गत गएरातिको खेलमा सनराइजर्स हैदरावादले मुम्बई इण्डियन्सलाई पराजित गरेको छ।
राजीव गान्धी अन्तर्राष्ट्रिय स्टेडियममा टस हारेर पहिला ब्याटिङको निम्तो पाएको हैदरावादले तीन विकेटको क्षतिमा २७७ रनको विशाल स्कोर बनायो।
हैदरावादले दिएको २७८ रनको लक्ष्य पछ्याएको मुम्बई इण्डियन्स ३१ रनले पराजित भयो। मुम्बईले २० ओभरमा ५ विकेट गुमाएर २४६ रन बनाउन सक्यो।
मुम्बईले पहिलो विकेट ५६ रन बनाउँदा गुमाएको थियो। मुम्बईका लागि इशन किसन १३ बलमा ३४ रन बनाएर पहिलो विकेटको रुपमा क्याच आउट भए। उनले १३ बलमा २ चौका र ४ छक्कासहित ३४ रन जोडे।
यसअघि सुरुमा ब्याटिङ गर्दै विशाल रनको लक्ष्यका लागि हैदरवादका हाइनरिक क्लासनले अविजित सर्वाधिक ८० रन बनाए। ३४ बल खेलका उनले ४ चौका र ७ छक्का प्रहार गरे भने एडन मारक्रमले २८ बलमा २ चौका र १ छक्कासहित अविजित ४२ रन जोडे।
हैदरावादले पहिलो विकेटको रुपमा पाँचौँ ओभरको पहिलो बलमा मयंक अग्रवाललाई गुमाएको थियो। उनी ११ रनमा हार्दिक पाण्ड्याको बलमा टिम डेविडबाट क्याच आउट भएका हुन्।
ट्रेविस हेड र अभिषेक शर्मा तेस्रो विकेटका लागि ६८ रनको साझेदारी गरे। हेड आठौँ ओभरको पाँचौँ बलमा ६२ रन बनाएर आउट भए। उनले २४ बलमा ९ चौका र ३ छक्कासहित ६२ रन जोडेका हुन्।
अभिषेक शर्मा २३ बलमा ६३ रन बनाएर ११औँ ओभरको अन्तिम बलमा नमन धीरको बलमा क्याच आउट भए। शर्माले २३ बलमा ३ चौका र ७ छक्का प्रहार गरे।
मुम्बईका हार्दिक पाण्ड्या, जेराल्ड कट्जी र पियुष चावलाले १–१ विकेट लिए।
यो सिजनको आईपीएलमा पहिलो शानदार र ऐतिहासिक जित निकाल्दै हैदरावादले दुई अंक जोडेको छ। मुम्बई भने दुई खेल खेल्दा अंकबिहीन छ।
-1714292324.jpg)
-1714282972.jpg)
