काठमाडौं— कमेडी च्याम्पियनका प्रतियोगी चढेको गाडी शुक्रबार भक्तपुरमा दुर्घटनामा परेको छ।

शुक्रबार बिहान साढे ३ बजे सूर्यविनायक नगरपालिका- १० मा कार दुर्घटनामा परेको हो। बागमती प्रदेश ०१-०२६ च ०३५९ नम्बरको कार अनियन्त्रित भई प्रदेश ३-०१-००३ क ६२९८ नम्बरको टिपरसँग ठोकिएको थियो।

दुर्घटनामा कमेडी च्याम्पियनका निर्देशक विशाल भण्डारीसहित ६ जना घाइते भएको र तीमध्ये एकको अवस्था गम्भीर रहेको जिल्ला प्रहरी परिसर भक्तपुरका डीएसपी वसन्त पाठकले जानकारी दिए।

कारमा भण्डारीसहित पूजन अधिकारी, सुशान्त बस्याल, रजनेस अर्याल, प्रकृति गिरी र पवन भट्टराई घाइते छन्। भण्डारी र अधिकारी अस्पतालबाट डिस्चार्ज भइसकेका छन्।

अरूको मध्यपुर थिमी अस्पतालमा उपचार भइरहेको डीएसपी पाठकले बताए।
उनका अनुसार गम्भीर घाइते हुनेमा बस्याल छन्। 

प्रहरीले विशाल र पूजनलाई नियन्त्रणमा लिएको छ। त्यस्तै टिपर चालक सागर पौडेल पनि प्रहरी वृत्त जगातीको नियन्त्रणमा छन्।