हिरासत छल्न अस्पतालमा बस्ने प्रवृत्ति रोक्न गृहमन्त्री लामिछानेले थाले छलफल
काठमाडौं— प्रहरीले नियन्त्रणमा लिएपछि हिरासतमा बस्नुपर्ने व्यक्ति अस्पताल जाने प्रवृत्तिबारे उपप्रधान एवं गृहमन्त्री रवि लामिछानेले नेपाल मेडिकल काउन्सिलका प्रतिनिधिसँग छलफल गरेका छन्।
काउन्सिलका प्रतिनिधिलाई मन्त्रालयमा बोलाएर लामिछानेले स्वस्थ व्यक्ति समेत हिरासत छल्न अस्पतालमा बस्ने प्रवृत्ति रोक्न सुझाव मागेका छन्।
छलफलमा गृहमन्त्री लामिछानेले विदेशका व्यवस्थासहित नेपालमा हालसम्म भएका घटना र प्रवृत्तिको अध्ययन बेथिति न्यूनीकरणका उपायसहितको प्रतिवेदन दिन आग्रह गरे।
यसबारे मन्त्रालयले सोमबार काउन्सिललाई पत्राचार गर्नेछ।
छलफलमा सहभागी काउन्सिलका सदस्य डा. कुञ्जाङ शेर्पाले यो प्रवृत्तिबारे गृह मन्त्रालयले पहिलोपटक चासो राखेको बताए।
छलफलमा डा. शेर्पासहित काउन्सिलका सदस्यहरु डा. रूपक घिमिरे, डा. प्रणयरत्न शाक्य र डा. कालुसिंह खत्री सहभागी थिए।
प्रकाशित मिति: शुक्रबार, चैत ९, २०८० १८:२१
थप समाचार
