काठमाडौं— बेहुली पक्षले सुनको सिक्री नदिएको झोकमा विवाह मण्डपबाट फरार भएका बेहुलालाई पर्सा प्रहरीले पक्राउ गरेको छ।

पक्राउ पर्नेमा बाराको कलैया उपमहानगरपालिका- ४ सिनेमा चोकका उमेश साह छन्। साह वीरगञ्ज महानगरपालिकाको स्वास्थ्य शाखामा कार्यरत कम्प्युटर अपरेटर समेत हुन्। बेहुली पक्षले उनलाई १२ लाख नगद, मोटरसाइकल‌ बापत ३ लाख २५ हजार, ल्यापटप, सुनको औंठी दिएको थियो । 

तर सिक्री नपाएको भन्दै उनी मण्डप छोडेर फरार भएका थिए।

तर बेहुला पक्षले भने आफूहरूले केही नमागेको दाबी गरेको छ । बेहुली पक्षले दुर्व्यवहार गरेका कारण मनमुटाव भएको बेहुला पक्षको दाबी छ । सामान्य मनमुटावको कुरालाई अतिरञ्जित गरिएको र आफूहरूको चरित्र हत्या गरिएको गुनासोसमेत बेहुला पक्षले गरेको छ।