काठमाडौं— नेपाली बजारमा लगातार बढिरहेको सुनको मूल्यले दैनिक नयाँ रेकर्ड बनाइरहेको छ। 

आज छापावाल सुनको मूल्य प्रतितोला एक लाख २५ हजार रुपैयाँ तोकिएको छ। अघिल्लो दिन प्रतितोला एक लाख २३ हजार पाँच सय रुपैयाँमा कारोबार भएको सुन आज प्रतितोला एक हजार पाँच सय रुपैयाँले बढेको सुनचाँदी व्यवसायी महासंघले जनाएको छ। 

महासंघका अनुसार आज तेजाबी सुनको मूल्य प्रतितोला एक लाख २४ हजार चार सय कायम भएको छ। यसको मूल्य अघिल्लो दिन प्रतितोला एक लाख २२ हजार नौ सय थियो।

त्यस्तै आज चाँदीको मूल्य अघिल्लो दिनको कारोबार मूल्यका तुलनामा प्रतितोला पाँच रुपैयाँले घटेर एक हजार चार सय ७० रुपैयाँ तोकिएको महासङ्घले जनाएको छ।