माधव नेपाललाई भेट्न पुगे प्रचण्ड र नारायणकाजी
![माधव नेपाललाई भेट्न पुगे प्रचण्ड र नारायणकाजी](https://newsgriha.com/uploads/posts/1-prachanda-madhav-narayankaji-1709562205.jpg)
काठमाडौं– नेकपा एकीकृत समाजवादीका अध्यक्ष माधवकुमार नेपाललाई भेट्न प्रधानमन्त्री पुष्पकमल दाहाल प्रचण्ड कोटेश्वर पुगेका छन्।
सत्ता गठबन्धन फेरिएपछि नेकपा एकीकृत समाजवादीका अध्यक्ष नेपाललाई भेट्न प्रधानमन्त्री प्रचण्ड र माओवादीका वरिष्ठ उपाध्यक्ष नारायणकाजी श्रेष्ठ नेपाल निवास कोटेश्वर पुगेका हुन्।
नेपाल बिरामी भएर केही दिनदेखि घरमै आराम गरिरहेका छन्। नयाँ सत्ता समीकरण बनेसँगै एकीकृत समाजवादीले पर्ख र हेरको नीति लिएको छ।
आजै प्रधानमन्त्री प्रचण्डले एकीकृत समाजवादीका सहित सबै मन्त्रीहरूलाई बिदा गरेर नयाँ मन्त्रिपरिषद् गठन गरेका छन्।
प्रकाशित मिति: सोमबार, फागुन २१, २०८० २०:०८