विराटनगर– मोरङको बेलबारीमा शुक्रबार बिहान भएको सवारी दुर्घटनामा तीनजनाको मृत्यु भएको छ।

टिपरले जीपलाई ठक्कर दिँदा जीपमा सवार तीनजनाको मृत्यु भएको प्रहरीले जनाएको छ।  पूर्वपश्चिम राजमार्गअन्तर्गत मोरङको बेलबारीमा मे १ झ २८५६ नम्बरको जीपलाई प्रदेश ०२- ००१ ख ९६७६ नम्बरको टिपरले ठक्कर दिएको थियो।

प्रहरीका अनुसार जीपमा सवार झापाको कमल गाउँपालिका-२ का ५२ वर्षीय यदुकान्त भट्टराई, ४४ वर्षीया दिपा खनाल र ३६ वर्षीय कृष्ण गजुरेलको मृत्यु छ। मोरङ प्रहरीका प्रवक्ता प्रहरी नायब उपरीक्षक रञ्जनकुमार दाहालका अनुसार जीपमा सवार सोही ठाउँका हरि खनाल र गायत्री भट्टराई घाइते छन् । उनीहरूको विराटनगरस्थित न्युरो अस्पतालमा उपचार भइरहेको छ ।

प्रहरीले प्रहरीले टिपर चालक मोरङको सुन्दरहरैंचा नगरपालिका-७ का २३ वर्षीय चन्द्रबहादुर विकलाई नियन्त्रणमा लिएको जनाएको छ ।