काठमाडौं– निषेधित क्षेत्र तोडेर नयाँबानेश्वरस्थित संसद् भवनमा प्रवेश गरेका ४९ जना लघुवित्त पीडितलाई प्रहरीले पक्राउ गरेको छ। 

संसद् भवनमा प्रवेश गरेको आरोपमा ४८ जना महिला र १ पुरुषलाई नियन्त्रणमा लिइएको जिल्ला प्रहरी परिसर काठमाडौंका सूचना अधिकारी (एसपी) नवराज अधिकारीले बताए। निषेधित क्षेत्र तोड्न खोज्नेहरू लघुवित्त प्रभावित हुन्। उनीहरूलाई प्रहरी वृत्त नयाँ बानेश्वरमा राखिएको छ।