काठमाडौं– राष्ट्रिय सभा सदस्य दिलकुमारी थापा रावलले चितवनमा रहेको कृषि तथा वन विश्वविद्यालयभित्र ठाडो राजनीतिक हस्तक्षेप भइरहेको बताएकी छन्।
सोमबारको राष्ट्रिय सभा बैठकमा उनले गुणस्तरीय र उच्च शिक्षाका लागि विदेशिने विद्यार्थीहरुको संख्या बढिरहेको अवस्थामा विश्वविद्यालयले प्राज्ञिक मर्यादा कायम राख्न नसकेको भन्दै त्यसका सरकारको ध्यान जान आवश्यक रहेको बताइन् ।
उनले भनिन्, ‘पछिल्लो समय गुणस्तरीय र उच्च शिक्षाका लागि विदेशिने विद्यार्थीहरुको संख्या बढिरहेको अवस्था छ । चितवनमा रहेको कृषि तथा वन विश्वविद्यालय मुलुकको आवश्यकतामा आधारित प्राविधिक जनशक्ति उत्पादन गर्न र विश्वविद्यालयले प्राज्ञिक मर्यादा कायम राख्न सकेका देखिँदैन । विश्वविद्यालयभित्र ठाडो राजनीतिक हस्तक्षेप देखिन्छ । त्यसैले विश्वविद्यालयको संरचनामा परिवर्तन र सुदृढीकरण गर्न ढिला भइसकेको छ । गर्व महशुस गर्नेगरी विश्वविद्यालयले काम गर्न सकेको छैन।’
