काठमाडौं— प्रहरीले अवैध क्रिप्टोमार्फत अनलाइन खेल खेलाएको आरोपमा सात जना पक्राउ गरेको छ । 

पक्राउ पर्नेमा सिरहाका २४ वर्षीय मिथलेशकुमार मण्डल, मुरारी साह, आर्यन साह, अनिशकुमार रौनियार, २६ वर्षका रोशन चौधरी जैसवाल, २३ वर्षका  शिवमकुमार यादव, २४ वर्षका हरिशंकर चौधरी छन् । 

उनीहरूबाट बिभिन्न ब्रान्डका मोबाइल १६ थान र चार थान ल्यापटप बरामद भएको छ । 

उनीहरूलाई नयाँ बानेश्वर सुविधानगर, कोटेश्वर, जडिबुटीलगायत काठमाडौंका विभिन्न स्थानबाट पक्राउ गरी आवश्यक अनुसन्धानका लागि नियन्त्रणमा लिई सोधपुछ भइरहेको प्रहरीले जनाएको छ ।