बालेनले गरे राष्ट्रिय सभा निर्वाचन बहिष्कार, गएनन् मतदान गर्न
काठमाडौं— काठमाडौं महानगरपालिकाका मेयर बालेन साह राष्ट्रिय सभा निर्वाचनमा सहभागी नहुने भएका छन् ।
मेयर बालेनको कार्यव्यस्तताका कारण उनी निर्वाचनमा सामेल नभएको मेयर बालेनका स्वकीय सचिव भूपदेव शाहले जानकारी दिए । ‘उहाँ कार्यव्यस्तताको कारण मतदान गर्न जानुभएको छैन,’ उनले भने ।
तर महानगरकी उपप्रमुख सुनिता डंगोल भने मतदान गर्न हेटौंडा गएकी छन् । राष्ट्रिय सभा सदस्य निर्वाचनका लागि बागमती प्रदेशको राजधानी हेटौंडामा मतदान भइरहेको छ ।
यसअघि पनि मेयर बालेनले प्रदेश सभा निर्वाचनमा पनि मतदान गरेका थिएनन् । त्यतिबेला उनले प्रतिनिधि सभा र समानुपातिकमा मात्र मतदान गरेका थिए ।
प्रकाशित मिति: बिहीबार, माघ ११, २०८० १२:४८
