काठमाडौं— अफगानिस्तानमा दुर्घटना भएको एअर एम्बुलेन्समा सवार ६ जनामध्ये चार जना जीवितै फेला परेका छन् । अन्य दुई जनाको अवस्था थाहा हुन सकेको छैन ।
डेसल्ट फाल्कन (डीएफ–१०) विमान अफगानिस्तानको बदाक्षन प्रान्तको कुफ–अब जिल्लामा दुर्घटना भएको थियो । एअर एम्बुलेन्सको रुपमा प्रयोग गरिएको उक्त विमान थाइल्याण्डबाट मस्को जाँदै थियो ।
इन्धन भर्नका लागि भारतको गया विमानस्थलमा रोकिएर उडेको उक्त विमान शनिबार राति ७ बजेतिर अफगानिस्तानको आकाशमा पुगेर राडारबाट सम्पर्कविच्छेद भएको थियो ।
त्यसपछि खोजी गर्दै जाँदा उक्त विमान अफगानिस्तानमा दुर्घटनाग्रस्त अवस्थामा फेला परेको थियो । उक्त विमानमा चार जना यात्रु र दुई जना क्रु मेम्बरसमेत ६ जना थिए ।
अफगानिस्तानको नागरिक उड्डयन तथा यातायात मन्त्रालयले सामाजिक सञ्जाल एक्समा दुर्घटनास्थलको भिडिओ पोष्ट गरेर पाइलटसहित चार जनालाई जीवितै उद्धार गरिएको जनाएको छ । अन्य दुई जनाको अवस्था भने थाहा हुन सकेको छैन ।
मन्त्रालयले विज्ञप्ति जारी गरी दिएको जानकारी अनुसार उक्त विमान अफगानिस्तानको हवाई क्षेत्रभित्र थिएन । तर प्राविधिक समस्याका कारण त्यसले आफ्नो बाटो बदलेको थियो । यसबारे थप अनुसन्धान भइरहेको अफगानिस्तान सरकारले जनाएको छ ।
विमान दुर्घटना भएको क्षेत्र भिडिओमा हेर्नुहोस्।
۱/۲ هغه الوتکه چې پرون ماښام بدخشان ولایت کې نادرکه شوې وه د کوف آب ولسوالی د ارز کوه پدېو سیمه کې پيدا شوې چې پېلوټ د افغانستان اسلامي امارت څېړونکې ډلې لخوا پيدا شوی ، د پېلوټ له قوله چې الوتکه کې له شته کسانو څخه ... pic.twitter.com/UM1sPKsPpx
— د ټرانسپورټ او هوايي چلند وزارت (@DChlnd) January 21, 2024
