हत्या र यौन हिंसाका आरोपित बम्जनविरुद्ध सर्लाही अदालतमा सुनुवाइ जारी
काठमाडौं— हत्या र यौन हिंसाका आरोपित रामबहादुर बम्जनविरुद्ध जिल्ला अदालत सर्लाहीमा थुनछेक बहस सुरु भएको छ ।
जिल्ला अदालत सर्लाहीबाट पक्राउ पुर्जी जारी भएकाले उनलाई बिहीबार अदालतमा उपस्थित गराइएको हो। जिल्ला न्यायाधीश विष्णु रेग्मीको इजलासमा बम्जनविरुद्ध थुनछेक बहस जारी छ ।
हत्या र यौन शोषणको मुद्दामा सर्लाही जिल्ला अदालतले २०७६ साल माघ २३ गते बम्जनलाई पक्राउ गर्न प्रहरीलाई अनुमति दिएको थियो ।
प्रहरीको केन्द्रीय अनुसन्धान ब्युरोको टोलीले बम्जनलाई मङ्गलबार काठमाडौंबाट पक्राउ गरेको थियो। उनलाई बुधबार काठमाडौंमा सार्वजनिक गरेर प्रहरीले सर्लाही लगेको हो ।
प्रकाशित मिति: बिहीबार, पुस २६, २०८० १३:३५
थप समाचार
