काठमाडौं— राष्ट्रिय स्वतन्त्र पार्टी (रास्वपा)का सभापति रवि लामिछानेले सांसद ढाकाकुमार श्रेष्ठले व्यवसायी दुर्गा प्रसाईंसँग घुस मागेको विषयमा बुधबार निर्णय लिने बताएका छन् ।

सांसद श्रेष्ठले मेडिकल व्यवसायी प्रसाईंसँग मन्त्री हुनका लागि दुई करोड माग गरेको अडिओ आइतबार सार्वजनिक भएको थियो ।

बुधबार केन्द्रीय समितिको बैठक बोलाएर निर्णय गर्ने रास्वपा सभापति लामिछानेले बताए । चितवनमा चुनावी सभामा उनले भने, ‘केन्द्रीय समितिको बैठकका लागि बुधबार तयारी रहन मैले साथीहरूलाई भनिसकेको छु । सांसद ढाकाकुमार श्रेष्ठबारे निर्णय हुन्छ ।’

अडिओमा उल्लेख भएका व्यक्तिहरू आफू वरपरका भए पनि उनीहरूलाई कारबाही गरिने उनले प्रतिबद्धता व्यक्त गरे ।