टिपरको ठक्करबाट भक्तपुरमा स्कुटर चालकको मृत्यु
काठमाडौं— टिपरको ठक्करबाट भक्तपुरमा एक जनाको मृत्यु भएको छ ।
मृत्यु हुनेमा स्कुटर चालक काभ्रेको रोशी गाउँपालिका- १० घर भई गठ्ठाघर बस्ने २३ वर्षीय विशाल मैनाली छन् । मैनाली चढेको बा ९२ प ५५३१ नम्बरको स्कुटरलाई शुक्रबार राति पौने ११ बजे मध्यपुरथिमि नगरपालिका- २ स्थित सानोठिमीस्थित जनक शिक्षा सामग्री केन्द्र अगाडि बा ४ ख २३४७ नम्बरको टिपरले ठक्कर दिएको थियो ।
टिपरको ठक्करबाट गम्भीर भएका उनको राति ११ बजेर २१ मिनेट जाँदा मृत्यु भएको जिल्ला प्रहरी परिसर भक्तपुरले जानकारी दिएको छ ।
टिपर चालक धादिङका सुरेश तामाङलाई प्रहरीले नियन्त्रणमा लिएर अनुसन्धान गरिरहेको छ ।
प्रकाशित मिति: शनिबार, मंसिर ३०, २०८० १०:३०
थप समाचार
