काठमाडौं— न्युरोडमा रहेको तस्करीको सुन गाल्ने कारखानामा प्रहरीले छापा मारेको छ ।

गएराति काठमाडौं उपत्यका अपराध अनुसन्धान कार्यालयको टोलीले पर्ल गोल्ड प्रालिमा छापा मारेको हो । सो क्रममा एक जना पक्राउ परेका छन् । पक्राउ पर्नेमा कारखाना सञ्चालक कैलालीका ४१ वर्षीय पदमप्रसाद पाण्डे छन् । 

प्रहरीले कारखानाबाट सुन पनि बरामद गरेको छ । सुनको परिमाण प्रहरीले सार्वजनिक गरेको छैन । कारखानामा तस्करीबाट ल्याइएको सुन गाल्ने गरेको प्रहरीको भनाइ छ । अनुसन्धानपछि पत्रकारसम्मेलन गरेर थप जानकारी दिइने उपत्यका अपराध अनुसन्धान कार्यालयले जनाएको छ ।