काठमाडौं— क्रोएसिया लैजाने भन्दै सुर्खेतका रिदम भनिने कृष्णबहादुर रानामगरले १२ करोडभन्दा धेरै रकम ठगी गरेको भन्दै पीडितहरूले न्यायका लागि सरकारको ध्यानाकर्षण गराएका छन् ।

काठमाडौंमा आज पत्रकार सम्मेलन गर्दै उनीहरूले आफूहरूलाई ठग्ने ठूलो गिरोह नै सक्रिय भएको भन्दै कारबाहीका लागि सरकारको ध्यानाकर्षण गराएका हुन् । १५० जनाभन्दा धेरैबाट रानामगरको गिरोहले १२ करोडभन्दा धेरै ठगेको पीडितको दाबी छ । 

ठगिनेहरू अधिकांश युवायुवतीहरू रहेको बताइएको छ  । क्रोएसिया पठाइदिने भन्दै आफूहरूसँग जनही ७ देखि ९ लाखको दरले रकम असुली गरेको पीडित बलराम पराजुलीले बताए ।