सवारी दुर्घटनामा चालकको मृत्यु
ताप्लेजुङ— ताप्लेजुङको सिरीजंघा गाउँपालिका– ८ याम्फुदिनमा सवारी दुर्घटना हुँदा एक जनाको मृत्यु भएको छ ।
गएराति भएको उक्त दुर्घटनामा परी फुङ्लिङ नगरपालिका– ५ का अन्दाजी ३० वर्षीय सवारी चालक निशान लिम्बूको मृत्यु भएको जिल्ला प्रहरी कार्यालयका प्रहरी निरीक्षक तथा सूचना अधिकारी कमल लुङ्गेलीले जानकारी दिए।
उनका अनुसार याम्फुदिनको भोटे गाउँबाट छेबुक तर्फ जाने क्रममा प्र.१–०१–००१ ज.३४३७ नम्बरको बोलेरो गाडी दुर्घटनामा परेको हो । दुर्घटनामा सोही गाडीकै चालक लिम्बूको घटनास्थलमा नै मृत्यु भएको प्रहरी निरीक्षक लुङ्गेलीले बताए ।
ओरालो बाटोमा गाडी अनियन्त्रित भई सडकको भित्तामा ठोक्किएर पल्टिँदा उक्त गाडीले नै चालकलाई किचेको जनाइएको छ ।
प्रकाशित मिति: सोमबार, मंसिर १८, २०८० ०९:३५
थप समाचार
