क्यानडाको राजदूतमा सिफारिस पौड्यालको नाम सुनुवाइ समितिबाट अनुमोदन

काठमाडौं— संसदीय सुनुवाइ समितिले क्यानडाका लागि नेपाली राजदूतमा सिफारिस भरतराज पौड्यालको नाम अनुमोदन गरेको छ ।
आइतबार बसेको समितिको बैठकले पौड्यालसँगको सुनुवाइपछि नाम सर्वसम्मत रुपमा अनुमोदन गरेको हो ।
अब उनलाई राष्ट्रपतिले राजदूतमा नियुक्त गर्न सक्नेछन् । कात्तिक २ गते मन्त्रिपरिषद् बैठकले पौड्याललाई क्यानडाको राजदूतमा सिफारिस गरेको थियो ।
प्रकाशित मिति: आइतबार, मंसिर १०, २०८० १७:२२













