काठमाडौं— धुम्बाराहीमा नेपाली कांग्रेसको पदाधिकारी बैठक जारी छ ।

सभापति शेरबहादुर देउवाको निवासमा जारी बैठकमा समसामयिक राजनीतिक घटनाक्रम, महासमिति बैठक तयारी, भूकम्पपीडितका समस्या लगायत विभिन्न विषयमा छलफल हुँदैछ । 

कांग्रेसले पुस १६ गतेदेखि गोदावरीमा महासमिति बैठक गर्ने तयारी गरेको छ। बाँकी रहेका जिल्लाहरूमा महासमिति सदस्य चयनका लागि अधिवेशन पनि भइरहेका छन् । 

बैठकमा सभापति देउवा, उपसभापतिहरू, महामन्त्रीहरू र सहमहामन्त्रीहरू सहभागी छन्। कांग्रेसमा १४ जना पदाधिकारी रहने व्यवस्था भए पनि सभापति देउवाले अझै कोषाध्यक्ष मनोनीत गरेका छैनन् ।