बाँके — जानकी गाउँपालिकास्थितबनियाँगाउँको नेपाल राष्ट्रिय प्राथमिक विद्यालयमा खानेपानीको अभाव भएको छ । विद्यालयमा आवश्यक पूर्वाधारकोसमेत अभाव छ ।
खानेपानी अभावले सास्ती भएको कक्षा ५ मा अध्ययनरत अञ्जनी कुम्हारले बताए । ‘विद्यालयमा शौच गर्न सधैँ समस्या हुन्छ, पानीको व्यवस्था छैन्’, उनले भने। विद्यालयका एउटा मात्र हाते पम्प रहेको छ । पिउनलाई शुद्ध पानीको अभाव छ ।
‘पानी किनेर पिउनुपर्ने बाध्यता छ’, कक्षा ५ मै अध्ययनरत कल्पना यादवले भनिन, ‘विद्यार्थीले सधैँ पानी किनेर पिउन सम्भव छैन । प्यास लागे प्रायः घरमै गएर पानी पिउने गरेका छौँ ।’
शौचालयमा प्रयोग गर्न पनि पर्याप्त पानी नभएको उनले बताइन् । शौचालय जाँदा बाहिरबाटै पानी बकेर लैजानुपर्ने विद्यार्थी बताउँछन् । २०१७ सालमा स्थापना भएको उक्त विद्यालयमा खानेपानीको व्यवस्थाका लागि वडा कार्यालयले आश्वासन दिएको प्रधानाध्यापक रेखा धितालले बताइन ।
उनले भनिन्, ‘वडाले आश्वासन त दिएको छ, तर हालसम्म केही सुरसार छैन ।’
