काठमाडौं— यूको बैंक अफ इन्डियाले गल्तीले अन्य खातामा जम्मा भएको ६ सय ४९ करोड भारतीय रुपैयाँ पुन: आफ्नो खातामा फर्काएको छ ।
तत्काल भुक्तानी सेवा मार्फत केही खाताहरूमा गल्तीले जम्मा भएको भारतीय रुपैयाँ ८ सय २० करोड मध्ये ७९ प्रतिशत अर्थात ६ सय ४९ करोड रुपैयाँ खातामा फिर्ता ल्याइएको हो ।
यूको बैंकले धितोपत्र बजारलाई दिएको जानकारीमा बैंकले तत्काल हस्तक्षेप गरेर ऋण लिने व्यक्तिको खाता रोक्का गरेको जनाएको छ ।
बैंकले बाँकी रहेको भारु १ सय ७१ करोड असुल गर्न आवश्यक कारबाही अघि बढाइएको जनाएको छ । यस विषयमा आवश्यक कारबाहीका लागि अनुगमन गर्ने निकायलाई पनि जानकारी गराइएको छ ।
प्राविधिक त्रुटि वा ह्याकिङ?
सार्वजनिक क्षेत्रको बैंकले प्राविधिक गडबडी मानवीय त्रुटि वा ‘ह्याकिङ’ प्रयासबाट भएको हो भन्ने अझै स्पष्ट गरेको छैन । आईएमपीएस प्लेटफर्म भारतीय राष्ट्रिय भुक्तानी निगमद्वारा सञ्चालित छ । यूको बैंकका ग्राहकहरूले बुधबार प्राविधिक गडबडीको सामना गर्नु परेको थियो ।
जसका कारण उनीहरूले ग्राहक तत्काल भुक्तानी सेवा (आईएसपी) मार्फत कारोबार गर्न सकेका छैनन् । त्यसपछि बैंकले एक्सएएक्समार्फत भुक्तानी गर्ने सेवा अस्थायी रूपमा बन्द गरेको थियो । मर्मतसम्भार गर्दा शतप्रतिशत सेवा उपलब्ध हुन नसकेको बैंकको आधिकारिक वेबसाइटमा उल्लेख छ । बुधबार प्राविधिक गडबडीका कारण अन्य बैंकमार्फत यूको बैंकमा भुक्तानी गर्दा रकम काटिए पनि बैंकमा कर्जा दिन सकेको छैन । नवभारत टाइम्सबाट
