रेलले किचेर मृत्यु भएकाको पहिचान खुल्यो
काठमाडौं— जनकपुर-जयनगर रेलमा किचिएर मंगलबार बिहान मृत्यु हुने व्यक्ति भारतीय नागरिक रहेको खुलेको छ ।
मृत्यु हुनेमा भारत बिहार राज्यको मधुवनी जिल्लाको जयनगर बेल्ही बस्ने वर्ष ६० का विन्देश्वर दास रहेको जिल्ला प्रहरी कार्यालय धनुषाका प्रवक्ता डीएसपी रञ्जन अवाले जानकारी दिए ।
उनका अनुसार मंगलबार बिहान जयनगर तर्फ जाँदै गरेको रेलले धनुषाको विदेह नगरपालिकाको वैदेही स्टेसन नजिक लिकमा किच्दा दासको घटनास्थलमै मृत्यु भएको थियो ।
मृतकको शव पोस्टमार्टमका लागि प्रादेशिक अस्पताल जनकपुरमा राखेर घटना विषयमा थप अनुसन्धान गरिरहेको जिल्ला प्रहरी कार्यालय धनुषाले जनाएको छ ।
प्रकाशित मिति: मंगलबार, कात्तिक २८, २०८० १५:३१
थप समाचार
