तिहार बिदामा पनि सर्वोच्च अदालत खुला
काठमाडौं— दीपावली अर्थात् तिहार बिदामा पनि सर्वोच्चले अत्यावश्यक सेवा दिने भएको छ ।
बन्दी प्रत्यक्षीकरण, निवेदन दर्ता लगायतका कामका लागि सर्वोच्च अदालत तिहार बिदामा समेत खुला रहने भएको हो । सर्वोच्च अदालतले आज (आइतबार)देखि बिहीबारसम्मका लागि न्यायाधीशहरूलाई जिम्मेवारी तोकिएको छ ।
सर्वोच्च अदालतका अनुसार आइतबार न्यायाधीश प्रकाशमान सिंह राउत, सोमबार न्यायाधीश सपना प्रधान मल्ल, मंगलबार न्यायाधीश हरिप्रसाद फुयाल र बिहीबार न्यायाधीश कुमार रेग्मीलाई जिम्मेवारी तोकिएको छ ।
कात्तिक २८ गते भाइटीकाको दिन भने अदालत बन्द रहनेछ । सर्वोच्चमा बन्दी प्रत्यक्षीकरणका लागि बिहान ११ बजेदेखि अपरान्ह ३ बजेसम्म इजलास रहनेछ ।
बन्दी प्रत्यक्षीकरण लगायतका रिट दर्ता गर्नका लागि भने कर्मचारीहरू बिहान १० बजे नै अदालतमा उपस्थित हुनेछन् ।
प्रकाशित मिति: आइतबार, कात्तिक २६, २०८० ०९:१९
थप समाचार
