आगामी फागुनमा राष्ट्रिय सभाका १९ पद रिक्त हुँदै, माघमा निर्वाचन गर्ने तयारी
काठमाडौं— निर्वाचन आयोगले राष्ट्रिय सभाको चुनाव आगामी माघ १०, ११ वा १२ गते गर्ने गरी तयारी अगाडि बढाएको छ ।
प्रतिनिधि सभाको राज्य व्यवस्था तथा सुशासन समितिको बैठकमा प्रमुख निर्वाचन आयुक्त दिनेश थपलियाले राष्ट्रिय सभामा आगामी फागुन २० गते रिक्त हुने १९ पदका लागि माघ १०, ११ वा १२ मा निर्वाचन गर्ने गरी तयारी अगाडि बढाइएको छ ।
राष्ट्रिय सभा सदस्यहरूको पद रिक्त हुने एक महिना अगाडि नै निर्वाचन गराउनुपर्ने संवैधानिक व्यवस्था छ ।
निर्वाचनको मितिबारे सरकारसँग परामर्श भइरहेको प्रमुख निर्वाचन आयुक्त थपलियाले जानकारी दिए । निर्वाचन आयोगसँगको परामर्शमा मन्त्रिपरिषद् बैठकले अन्तिम निर्णय गर्दछ ।
राष्ट्रिय सभाका एक तिहाइ सदस्य हरेक दुई/दुई वर्षमा रिक्त हुने गर्दछन् ।
प्रकाशित मिति: बुधबार, कात्तिक १५, २०८० १२:४८
