काठमाडौं— नेपाली कांग्रेसको भातृ संगठन नेपाल विद्यार्थी संघ (नेविसंघ)का बागी उम्मेदवार सुशील विष्ट ललितपुरस्थित पाटन संयुक्त क्याम्पसको स्ववियु सभापतिमा निर्वाचित भएका छन् ।

शनिबार राति सम्पन्न मतगणनाको परिणामअनुसार विष्ट १६९ मतान्तरले स्ववियु सभापति निर्वाचित भएका हुन् । उनले ८४१ मत ल्याउँदा अनेरास्ववियुका उम्मेदवार सुरेश जिसीले ६७२ मत ल्याए । 

नेविसंघका इकाई उपाध्यक्षसमेत रहेका विष्टले स्वतन्त्र उम्मेदवारी दिएका थिए । पाटनमा नेविसंघकै आन्तरिक विवादका कारण ५ चैत्रका लागि तय भएको निर्वाचन रोकिएको थियो ।