समाजवादी मोर्चाको सन्देश सभा आज धनगढीमा
काठमाडौं — समाजवादी मोर्चाले सोमबार कैलालीको धनगढीमा सन्देश सभा गर्ने भएको छ ।
भदौ १३ गते पहिलो पटक र २६ भदौमा दोस्रो पटक स्थगित गरिएको कार्यक्रम आज हुन लागेको हो । दिउँसो साढे १ बजेबाट धनगढीमा सन्देश सभा सुरु गरिने नेकपा एकीकृत समाजवादीकी केन्द्रीय सचिव तथा सुदूरपश्चिम प्रदेश इन्चार्ज गरिमा शाहले जानकारी दिइन् ।
उनका अनुसार माओवादी अध्यक्ष तथा प्रधानमन्त्री पुष्पकमल दाहाल प्रचण्ड, नेकपा एकीकृत समाजवादीका अध्यक्ष तथा पूर्व प्रधानमन्त्री माधवकुमार नेपाल, नेकपाका महासचिव नेत्र विक्रम चन्द विप्लव र जनता समाजवादी पार्टीका अध्यक्ष उपेन्द्र यादव धनगढी पुग्दै छन् ।
प्रकाशित मिति: सोमबार, असोज २९, २०८० ०८:०२
