कोशी प्रदेश
हिक्मत कार्कीलाई विश्वासको मत नदिने गठबन्धन दलको निर्णय
काठमाडौं— कोशी प्रदेशमा गठबन्धन दलले मुख्यमन्त्रीलाई विश्वासको मत नदिने भएका छन् ।
गठबन्धनमा रहेका दलहरू नेपाली कांग्रेस, नेकपा माओवादी केन्द्र, नेकपा एकीकृत समाजवादी र जनता समाजवादी पार्टीले मुख्यमन्त्री हिक्मतकुमार कार्कीलाई विश्वासको मत नदिने निर्णय गरेका हुन् ।
माओवादी केन्द्र कोशी प्रदेश सांसद बाबुराम दाहालले मुख्यमन्त्री कार्कीलाई विश्वासको मत नदिने निर्णय भएको जानकारी दिए ।
‘दलहरूको आन्तरिक बैठकले गरेको निर्णय गठबन्धन दलको संयुक्त बैठकले पनि अनुमोदन गरेको हो । यति बुझौँ न गठबन्धन दलले अहिलेको सरकारलाई विश्वासको मत नदिने निर्णय छ,’ उनले भने ।
कोशी प्रदेशका मुख्यमन्त्री कार्कीले आज प्रदेश सभाबाट विश्वासको मत लिँदैछन् ।
प्रकाशित मिति: शनिबार, असोज २०, २०८० १४:४६
