२४ करोड रुपैयाँ बराबरको सट्टेबाजी गरेको आरोपमा एक जना पक्राउ
काठमाडौं— काठमाडौं उपत्यका अपराध अनुसन्धान कार्यालयको टोलीले अनलाइनमार्फत २४ करोड १५ लाख रुपैयाँ बराबरको सट्टेबाजी गरेको आरोपमा एक जनालाई पक्राउ गरेको छ ।
पक्राउ पर्नेमा झापा दमक नगरपालिका १२ का वर्ष ३० का पिन्टुकुमार साह छन् । कार्यालयका प्रवक्ता प्रहरी उपरीक्षक रविन्द्र रेग्मीका अनुसार साहलाई जुवा वा सट्टाबाजी गरेको कसुरमा आवश्यक अनुसन्धान एवं कारबाहीको लागी जिल्ला प्रहरी परिसर काठमाडौंमा पठाएको छ ।
उनले वेटिङ गराउने एप तथा वेबसाइटको माध्यमबाट जुवा तथा सट्टाबाजी जस्ता खेल खेलाएर २४ करोड १५ लाख १७ हजार १३८ रुपैयाँ बराबरको कारोबार गरेको दाबी प्रहरीको छ ।
प्रकाशित मिति: शुक्रबार, असोज १९, २०८० १७:५०
थप समाचार
