काठमाडौं— नेकपा एमाले कर्णाली प्रदेश अधिवेशनमा मतगणना सुरु भएको छ ।

प्रदेश राजधानी वीरेन्द्रनगरमा जारी प्रथम अधिवेशनमा नयाँ नेतृत्व चयनका लागि आइतबार राति मतदान भएको थियो ।

अध्यक्ष मण्डलका सदस्य विष्णु रिजालले मतगणना सुरु भएको जानकारी दिए । आइतबार दिउँसो २ बजेखि राति ९ बजेसम्म मतदान भएको थियो ।

६०९ जना मतदानमा सहभागी भएका थिए । प्रदेश अध्यक्षका लागि सल्यानका गुलावजंग शाह, कालिकोटका मिनबहादुर शाही र कालिकोटकै प्रकाश रोकाय प्रतिस्पर्धामा छन् ।

अधिवेशनको उद्घाटन एमाले अध्यक्ष केपी शर्मा ओलीले गरेका थिए ।