अभिनाशले तोडे सन्दीपको कीर्तिमान
काठमाडौं— १९औँ एसियाली खेलकुदअन्तर्गत क्रिकेटमा अभिनाश बोहराले सन्दीप लामिछानेको कीर्तिमान तोडेका छन् । उनले टी–२० अन्तर्राष्ट्रिय खेलमा उत्कृष्ट बलिङ गर्ने कीर्तिमान बनाएका हुन् ।
उनले एसियाली खेलकुदअन्तर्गत माल्दिभ्सविरुद्धको खेलमा ३.४ ओभरमा ६ विकेट लिँदा ११ रन मात्र खर्चिए ।
यसअघि नेपालका लागि टी–२० उत्कृष्ट बलिङको कीर्तिमान सन्दीपको नाममा थियो । सन्दीपले गत वर्षमा केन्याविरूद्ध ४ ओभरमा ९ रन दिएर ५ विकेट लिएका थिए ।
अभिनाश कीर्तिमानी बलिङसँगै नेपालले दिएको २१३ रनको लक्ष्य पछ्याएको माल्दिभ्स २ बल खेल्न बाँकी छँदा ७४ रनमै अलआउट भयो । यससँगै नेपालले १३८ रनको जित दर्ता गरायो ।
प्रकाशित मिति: आइतबार, असोज १४, २०८० १२:३४
ट्रेन्डिङ समाचार
