काठमाडौं—  आन्दोलनरत राहत शिक्षक र सरकारबीच सहमति भएको छ ।

शुक्रबार दिउँसो सिंहदरबारस्थित शिक्षा, विज्ञान तथा प्रविधि मन्त्रालयमा  दुइै पक्षबीत सहमति जुटेको हो । 

सरकारसँग सहमति भएसँगै आन्दोलनको कार्यक्रम स्थगित भएको छ ।

शिक्षकको राष्ट्रिय परिचयपत्र मन्त्रालयको लोगोसहितको हुने गरी  शिक्षकको मर्यादाक्रम रहने व्यवस्था गर्ने, शिक्षक  सरुवाको विषयमा महिलालाई ६ महिना परीक्षणकाल र पुरुषको हकमा १ वर्ष  हुने गरी पहिला कै व्यवस्था हुने,पेन्सनको विषयमा अबको  विज्ञापनदेखि  योगदानमा आधारित निवृत्तिभरणको व्यवस्था, राहत शिक्षकको शतप्रतिशतसहित  विशेष  पाठ्यक्रम बनाएर एक पटकलाई आन्तरिक परीक्षाको व्यवस्था गर्नेलगायतका विषयमा  सहमति भएको जनाइएको छ । 

बैठकमा शिक्षामन्त्री अशोक राई,  शिक्षाराज्यमन्त्री प्रमिला कुमारी, सचिव सुरेश अधिकारी  सहभागी थिए ।